կիտրոն

Շոգ եղանակին պարտադիր է հետևել, թե ինչքան ջուր ենք խմում, քանի որ հնարավոր է ջրազրկվել, առանց անգամ նկատելու: Սակայն ոչ բոլորն են հետևում, թե քանի բաժակ ջուր են խմել օրվա ընթացքում: Իսկ ջուր խմելու գործընթացը հաճելի դարձնելու համար առաջարկում եմ պատրաստել զովացուցիչ լիմոնադ:

Լիմոնադի համար օգտագործել եմ ալոեի օշարակ, որը գնել էի Փարիզից: Վերջինս կարելի է փոխարինել մեղրով, վարդի թերթիկների կամ այլ օշարակներով: Ալոեի օշարակը կարելի է պատրաստել ինքնուրույն: Գաղտնիք չէ, որ ալոեն պարունակում է բազմաթիվ միկրոէլեմենտներ և շատ առողջարար է: Անհրաժեշտ է գնել ալոեի հյութ (կամ վարդի ջուր) և քաղցրության համար ավելացնել մեղր կամ ագավայի նեկտար (եթե չեք օգտագործում կենդանական ծագում ունեցող մթերք): Ես ինքս նախընտրում եմ պատրաստել ալոեով` կստանաք շատ հետաքրքիր և հաճելի համով լիմոնադ:

Չիայի կամ եղեսպակի մասին կարող եք կարդալ հղումով: Շատ օգտակար սերմ է, որը լիմոնադին հետաքրքիր կառուցվածք է տալիս, իսկ խմելու ընթացքում բերանում առաջացնում է հաճելի զգացում: Երեխաները շատ կհավանեն:

Չիան նախօրոք անհրաժեշտ է թրջել ջրում: Կպահանջվի մոտ 10 րոպե, որ սերմերը ներծծեն ջուրը և մեծանան չափսերով: Կարելի է իհարկե սերմերը միանգամից ավելացնել սափորի մեջ, սակայն նախօրոք թրջելով շատ ավելի հեշտ կլինի ստանալ համասեռ զանգված:

Թրջելուց հետո սերմերը վերածվում են դոնդողանման զանգվածի:

Մի քանի կտոր կիտրոն ավելացրեք, սակայն երկար չթողնեք ջրում, քանի որ այն կարող է դառը համ հաղորդել:

Լիմոնադը պատրաստ է: Այսօրվա նախաճաշին պատրաստել էի նաև կաթնաշոռային բլիթներ, որոնց բաղադրատոմսը կներակաայցնեմ քիչ ուշ: