Browsing Category

Նախաճաշ

Արագ պատառ/ Նախաճաշ

Թխուկ կանաչ սոխով և հավկիթով

Քանի դեռ կանաչ սոխը առկա է շուկայում, ապա անպայման պատրաստեք սոխով և հավկիթով այս թխուկը: Շատ համեղ է և հեշտ է պատրաստել: Այս ցուրտ եղանակին անուշ ամառային բույրը կլցվի ձեր խոհանոց:

Բաղադրատոմսը ամենա ներքևում:

Ահա այն ամենը, ինչը հարկավոր է թխուկը պատրաստելու համար:

Նախօրոք խաշեք ձուն և կտրատեք կանաչ սոխի հետ միասին:

Միջուկը ստանալու համար սոխն ու հավկիթը խառնեք և ավելացրեք ձեր սիրած համեմունքները: Ինձ մոտ պարզապես աղ ու սև պղպեղ է:

Խմորը պատրաստելու համար.

  1. թթվասերին ավելացրեք աղ և շաքարավազ
  2. այնուհետև ավելացրեք հալեցրած կարագ և հարած հավկիթներ
  3. ստացված զանգվածին ավելացրեք ալյուր, փխրեցուցիչի հետ միասին

Պետք է ստացվի խյուսանման զանգված:

Ներքևի շերտը ստանալու համար թխելու ֆորման պատեք կարագով և խմորի կեսը հավասարաչափ լցրեք նրա մեջ: Միջուկը ավելացրեք անմիջապես խմորի վրա:

Թխուկի վերին շերտը ստանալու համար մնացած խմորը լցրեք միջուկի վրա և հավասարեցրեք:

Ուղարկում ենք 200C տաքացրած ջեռոց և թխում ենք 30-40 րոպե մինչև երեսը դառնա ոսկեգույն:

Թխուկ կանաչ սոխով և հավկիթով

Print Recipe
Serves: 10 Cooking Time: 1ժ

Ingredients

  • Միջուկի համար
  • 1 կապ կանաչ սոխ
  • 4հ խաշած հավկիթ
  • Խմորի համար
  • 350գ թթվասեր
  • 140գ կարագ
  • 270գ ալյուր
  • 1 ճ.գ փխրեցուցիչ
  • 1/2 ճ.գ շաքարավազ
  • աղ և պղպեղ ըստ ճաշակի

Instructions

1

4 հատ հավկիթը խաշեք և մանր կտրատեք:

2

Սոխը լվացեք, չորացրեք և կտրատեք:

3

Միջուկը պատրաստելու համար խառնեք սոխն ու հավկիթը և համեմեք ավելացնելով աղ և պղպեղ:

4

Խմորը պատրաստելու համար թթվասերին ավելացրեք աղ, շաքարավազ և խառնեք:

5

Ավելացրեք հալեցրած կարագը և խառնեք:

6

Ավելացրեք հարած երկու հավկիթները, ապա խառնեք:

7

Ստացված զանգվածին ավելացրեք ալյուրը, փխրեցուցիչի հետ միասին և կրկին խառնեք: Պետք է ստացվի խյուսանման խմոր:

8

Ներքևի շերտը ստանալու համար թխելու ֆորման պատեք կարագով և խմորի կեսը հավասարաչափ լցրեք նրա մեջ: Միջուկը ավելացրեք անմիջապես խմորի վրա:

9

Թխուկի վերին շերտը ստանալու համար, մնացած խմորը լցրեք միջուկի վրա և հավասարեցրեք:

10

Թխեք 200C տաքացրած ջեռոցում 30-40 րոպե մինչև երեսը դառնա ոսկեգույն:

Notes

Համտեսեք, թե տաք, թե սառը վիճակում: Ես նախընտրում եմ մատուցել տաք վիճակում, սև թեյով:

November 21, 2017 By
0
Նախաճաշ

Պուդինգ չիա սերմերով և հատապտուղներով

Իմ սիրած նախաճաշերից է, հեշտ է պատրաստել, համեղ է և սննդարար: Պուդինգը պատրաստում եմ քաղցր մածունով կամ կեֆիրով: Կարելի է պատրաստել նաև կաթով, սակայն ես կաթ չեմ խմում և փոխարենը պատրաստում եմ նուշի կաթով: Կարելի է վերցնել ցանկացած սառեցված կամ թարմ հատապտուղ: Ես ինքս սառեցրել էի կոկռոշենի (крыжовник) և կարմիր հաղարջ:

Տեսեք ինչ գեղեցիկ են սառը գնդիկները:

Անհրաժեշտ է լինելու վանիլի էքստրակտ կամ վանիլին, դարչին և մեղր:

Նաև ընդեղեն, ինձ մոտ նուշ է:

Նախօրոք չիան անհրաժեշտ է թրջել մածունով/կեֆիրով/կաթով: Ես դա անում եմ երեկոյան ուշ, որ առավոտյան պատրաստ լինի: Իրականում չիային մոտ 10-20 րոպե է պահանջվում հեղուկը ներծծելու և փափկելու համար: Այնպես որ հարմար է անել երեկոյան:

Բլենդերով մանրացրեք հատապտուղները մինչև խյուս դառնա:

Ընթացքում ավելացրեք մեղրը, դարչինը և վանիլը:

Կստացվի այսպիսի խյուս:

Այնուհետև պարզապես թրջած չիայի վրա ավելացրեք հատապտղային խյուսը և վրան զարդարեք նուշով կամ այլ համեղ բաներով: Ես ազնվամորի էլ դրեցի: Վերջում կարող եք հավելյալ դարչին ցանել:

Բարի ախորժակ և լավ օր:

Սա էլ պատրաստությունները, թղթին էի հանձնում, թե ինչպես և ինչ բաղադրամասեր ընտրել:

Պուդինգ չիա սերմերով և հատապտուղներով

Print Recipe
Serves: 1 Cooking Time: 30ր

Ingredients

  • 2 ճաշի գդալ չիայի սերմ
  • 1/2 բաժակ քացր մածուն/կեֆիռ/կաթ
  • 1/2 բաժակ կոկռոշենի
  • 1/2 բաժակ հաղարջ
  • 1 ճաշի գդալ մեղր
  • 1/2 թեյի գդալ դարչին
  • 1/2 թեյի գդալ վանիլի էքստրակտ կամ սովորական վանիլինի փոշի
  • 5 հատ նուշ
  • Ազնվամորի զարդարելու համար

Instructions

1

Նախօրոք չիան անհրաժեշտ է թրջել մածունով/կեֆիրով/կաթով:

2

Բլենդերով մանրացրեք հատապտուղները մինչև խյուս ստանաք:

3

Խյուսին ավելացրեք մեղրը, դարչինը և վանիլի էքստրակտը:

4

Այնուհետև պարզապես թրջած չիայի վրա ավելացրեք հատապտղային խյուսը և վրան զարդարեք նուշով, ազնվամորիով կամ այլ համեղ բաներով:

5

Վերջում կարող եք հավելյալ դարչին ցանել:

Notes

Օգտագործեք ցանկացած հատապտուղ, թե թարմ, թե սառեցված:

November 9, 2017 By
0